Philipp un sien Rookengel
En Bült Kinner kennen al dat Minibookje „Philipp und sein Rauchengel“. Dat word mit de Stöön van de Ostfriesische Landschaftliche Brandkasse van de Füürwehren in Grundscholen insett, wenn dat daarum geiht, Kinner över de Umgang mit Füür wat to vertellen. Man van nu of an gifft dat dit Bookje ok in oostfreesk Platt: „Philipp un sien Rookengel“. Rutbrocht hebben dat de Oostfreeske Landskupp, de Ostfriesische Landschaftliche Brandkasse un Oostfreeske Taal i. V. In dat Book geiht dat daarum, dat de lüttje Philipp en Rietstick fallen lett. Sien hele Gebuursdagsdisk fangt an to brannen …
Dit Bookje kann man umsünst bi dat Plattdüütskbüro kriegen.
To dat Bookje gifft dat van Imke Schöneboom – Mesterske an de KGS Haage-Nörden – ok en Lüttje Video, dat is för een, de sük mit de Utspraak van de Woorden neet so heel seker is, good to bruken! Kiekt man even hier